Uppgávurnar eru millum annað:
- at hava ábyrgd og viðlíkahald av maskinparkini á virkinum
- at leggja smyrjing og viðlíkahald til rættis og hava ábyrgd av, at hetta verður gjørt
- at innstilla maskinur
- og aðrar uppgávur í samband við maskinur og tól, í samstarvi við framleiðsluleiðaran
Kvalifikatiónir/eginleikar:
- hug og kunnleika at arbeiða við maskinum
- helst eina viðkomandi útbúgving
- góð samstarvsevni
- gott samskifti við starvsfelagar
Vit vænta, at tú ert kundavinarligur, álítandi, røkin, dugir at arbeiða sjálvstøðugt og at leggja arbeiðið til rættis.
Tú skalt vera klárur at tørna til, tá ið á stendur. Á Føroyaprent arbeiða vit alla tíðina undir tíðartrýsti, og okkara fremsta uppgáva er at lata vøruna til tíðina.
Vanligur arbeiðsdagur er frá kl. 8 til 16
Løn sambært avtalu
Føroyaprent er ein fyritøka í vøkstri, sum bjóðar allar vørur og tænastur innan grafiskt arbeiði, uppseting, prent og liðuggerð. Eisini hava vit eina nútímans stórprentsdeild, har vit framleiða alt hugsandi innan skelti og deko.
Starvið verður sett skjótast gjørligt.
Umsókn kann sendast til:
Føroyaprent Pf.
Hoyvíksvegur 59
Postsmoga 3118
110 Tórshavn
Ella á telduposti: hestoy@foroyaprent.fo
Umsóknir skulu vera okkum í hendi sum skjótast, tó ikki seinni enn 20. mai 2016
Vilt tú vita meira um starvið, ert tú vælkomin at ringja til Kára Olsen á telefon 59 45 60 ella Jon Hestoy á 59 45 55.
Føroyaprent er ein nútímans fyritøka á øllum økjum. Føroyaprent hevur greiðan málsetning um at vera best á sínum øki, og setur ein heiður í at náa hesi mál, bæði innan tøkni, tænastuveitingar og á starvsfólkaøkinum.